Восень - выдатная пара года. Усё вакол напаўняецца чымсьці асаблівым: яркімі адценнямі лісцяў, таямнічым і зыбкім туманам. Пасля нараджэння і абнаўлення вясны, свабоды і маладосці лета, восень - час для разважанняў і пераасэнсавання перажытага.
Плэйбэк спектакль – гэта захапляючае падарожжа ў свой унутраны свет, дзе рэальная гісторыя ажывае на сцэне. Можна зноў пражыць забытыя пачуцці, альбо прыйсці да разумення пройдзенага досведу пад іншым ракурсам, адкрыць новыя сэнсы праз убачаную гісторыю іншага чалавека.
У час спектакля наведвальнікаў чакае стварэнне жывых паштовак па матывах асабістых рэальных гісторый.
Будзем рады бачыць кожнага, хто гатовы стварыць новую душэўную прастору ў сценах музея "Дом Ваньковічаў".
Уваход на мерапрыемства па ўваходным білеце ў музей.
