Абраз “Стрэчанне (Сярэдзіна XVIII ст.)” да праваслаўнага свята Стрэчання Гасподняга

Абраз “Стрэчанне (Сярэдзіна XVIII ст.)” да праваслаўнага свята Стрэчання Гасподняга
З 15 лютага 2024 года ў зале старажытнабеларускага мастацтва пастаяннай экспазіцыі Нацыянальнага мастацкага музея Рэспублікі Беларусь да праваслаўнага свята Стрэчання Гасподняга прадстаўлен абраз “Стрэчанне. (Сярэдзіна XVIII ст.)”.

Іканаграфія сцэны Стрэчання заснавана на евангельскім апавяданні (Лк. 2, 22-38), у якім гаворыцца, што, калі насталі дні ачышчэння, Марыя і Іосіф прынеслі Немаўля Хрыста ў храм, ахвяраваўшы пры гэтым дзве галубкі. У храме Дзіцятка прынялі Сімяон і прарочыца Ганна.

Прадстаўлены абраз ілюструе шэсце Маці Божай і Іосіфа да Сімяона Богапрыімца, які схіліўся ў чаканні Месіі ля ахвярнага прастола Іерусалімскага храма. Паказаны момант, калі Марыя перадае, а Сімяон прымае ў свае рукі Немаўля. Падобнае адлюстраванне больш адпавядае евангельскаму тэксту і відавочна перадае сутнасць свята Стрэчанне як сустрэчы Старога і Новага Запаветаў. Яно служыць ілюстрацыяй наступных слоў: «он взял его на руки, благословил Бога и сказал: Ныне отпускаешь раба твоего, Владыко, по слову Твоему, с миром; ибо видели очи мои спасение Твое, которое ты уготовал пред лицеем всех народов, свет к просвещению язычников, и славу народа Твоего Израиля» (Лк. 2, 28-32).

Не пакрытыя гімаціем рукі Сімяона Богапрыімца і адсутнасць адлюстравання прарочыцы Ганны з’яўляюцца іконаграфічнай асаблівасцю гэтага помніка.

Абраз будзе экспанавацца да 1 сакавіка 2024 года. 

Абраз
Падзеі
Урачыстае адкрыццё выстаўкі графічных прац Леаніда Медведскага і Уладзіміра Макаркова «Рэзкафокусны рэалізм»
Урачыстае адкрыццё выстаўкі графічных прац Леаніда Медведскага і Уладзіміра Макаркова «Рэзкафокусны рэалізм»

Музей В.К. Бялыніцкага-Бірулі

Урачыстае адкрыццё выставы «Паэзія звычайнага. Прыгажосць простых рэчаў»
Урачыстае адкрыццё выставы «Паэзія звычайнага. Прыгажосць простых рэчаў»

Музей В.К. Бялыніцкага-Бірулі

Урачыстае адкрыццё выставачнага праекта «Момант нейтральны»
Урачыстае адкрыццё выставачнага праекта «Момант нейтральны»

Музей В.К. Бялыніцкага-Бірулі

Урачыстае адкрыццё выставы «Зніклае і вечнае. Георгій і Наталля Паплаўскія»
Урачыстае адкрыццё выставы «Зніклае і вечнае. Георгій і Наталля Паплаўскія»

Музей В.К. Бялыніцкага-Бірулі