Упершыню ў Мінску адбудзецца лекцыя кандыдата мастацтвазнаўства, загадчыка сектара скульптуры XVIII – пачатку XX стагоддзя аддзела скульптуры Дзяржаўнага Рускага музея ў Санкт-Пецярбургу Логдачавай Наталлі Віктараўны, прысвечаная творчасці скульптара Ільі Якаўлевіча Гінцбурга, у рамках выставы "Расія-Беларусь. Скрыжаванне лёсаў".
22 сакавіка (субота) 2025 года ў 14:00 у Нацыянальным мастацкім музеі Рэспублікі Беларусь Наталля Віктараўна раскажа пра творчы шлях аднаго з вядучых скульптараў Ільі Якаўлевіча Гінцбурга, прааналізуе яго ўпадабаныя тэмы ў творчасці і крыніцы натхнення, у дэталях апіша карпатлівыя працэсы працы над партрэтнымі статуэткамі, бюстамі і статуямі.
Не прапусціце ўнікальны шанец пазнаць больш пра выбітнага майстра XIX–XX стагоддзяў на лекцыі Логдачавай Наталлі Віктараўны!
Месца правядзення: выставачны корпус (К.Маркса, 24), чацвёрты паверх, зала №4.
Рэгістрацыя абавязковая.
Кошт наведвання выставачнага корпуса з лекцыяй – 22 рублі. Для навучэнцаў і студэнтаў – 11 рублёў.
