Першай тэмай лекцыі стане “Мастацтва Францыі XVII стагоддзя”. У гэты перыяд зарадзіўся класіцызм –стыль, які арыентуецца на каноны антычнага мастацтва. У жывапісе ўсхваляўся вобраз “караля-сонца” – Людовіка XIV, што правіў у той час, тады ж быў пабудаваны палацава-паркавы ансамбль Версаль, які стаў выдатным помнікам эпохі, адметнай унікальнай цэласнасцю задумы і гармоніяй архітэктурных формаў. Пра гэты перыяд у гісторыі французскага мастацтва і пра выдатных дзеячаў эпохі і пойдзе размова на лекцыі.
Лекцыя адбудзецца 18 лістапада (субота) а 16-й гадзіне ў залах выставы “Нашы калекцыі. Французскае выяўленчае мастацтва”.
Лекцыю чытае вядучы навуковы супрацоўнік Мастацкага – Алена Дзмітрыеўна Шапашнікава, якая працуе ў музеі больш за 40 гадоў.
Наведаць мерапрыемства можна па ўваходным білеце ў галоўны корпус музея. Папярэдняя рэгістрацыя не патрабуецца.
