Маляванне – неад'емная частка дзяцінства. Выкарыстоўваючы рознакаляровыя алоўкі, хлопчыкі і дзяўчынкі са стараннем імкнуцца адлюстраваць вялікі і яшчэ нязведаны свет. Ліст паперы "запаўняюць" будынак школы, самалёт, касмічныя планеты, яркія кветкі – усё тое, што натхняе маленькіх творцаў! Свет вачыма дзяцей – яркі, казачны і хаатычны.
Дзеці і самі былі натхненнем для многіх мастакоў. Натан Воранаў, Анатоль Волкаў, Раіса Кудрэвіч і іншыя беларускія жывапісцы адлюстроўвалі прыгажосць дзяцінства і бесклапотнасці, стваралі дзіцячыя партрэты. У дэталях выводзячы рысы юнай асобы, у сваіх творах майстры перадавалі гледачу сваё бачанне свету, цэнтрам якога было дзіця.
