У экспазіцыі прадстаўлена серыя аўтарскіх твораў з вобразамi святых Рускай Праваслаўнай Царквы – Аляксандра Неўскага, Дзмітрыя Данскога, Стэфана Пермскага і іншых. Азнаёміцца з сюжэтамі вы зможаце не толькі візуальна, але і навобмацак (тактыльна).
Бо "Нябесныя ахоўнікі" – гэта інклюзіўны праект, накіраваны на ўключэнне ў мастацкае і культурнае жыццё людзей са слабым зрокам і невідушчых. Мэта добра адлюстроўваецца ў выкананні карцін: экспанаты адаптаваны для тактыльнага ўспрымання, суправаджаюцца аўдыёгідам з тыфлакаментарыем, а этыкеткі прадубляваны рэльефна-кропкавым шрыфтам Брайля.
Разам з тым выстава будзе цікавай для кожнага аматара незвычайнага мастацтва. Скульптурная пластыка пашырае межы мастацкага ўспрымання твораў мастацтва, дазваляе глыбей адчуць iдэю твора аўтара.
Выстава даступна да наведвання па 1 жніўня 2025 года, праходзіць у зале старажытнабеларускага мастацтва галоўнага корпуса Нацыянальнага мастацкага музея Рэспублікі Беларусь (Леніна, 20). Чакаем вас!
